Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
No fútbol sala

O Lobelle gaña a Copa Galiza pelexando contra un potente Burela

Os mariñáns demostraron que contan cun equipo capaz de facerlle fronte a un dos grandes. Os composteláns suaron para gañar cun 2-5.

Redacción - 11:00 13/10/2008
Unha imaxe do encontro

Unha imaxe do encontro

O Burela Pescados Rubén volveu demostrar que, a pesar de militar na División de Prata, ten un cadro de xogadores ben potente, merecedor de estar na primeira división do fútbol estatal. De feito, fixéronlle pelexar ao Lobelle para conseguir o título. A Copa Galiza foi finalmente para os composteláns, que gañaron a final por 2-5.

Os de Burela atopábanse cómodos movendo o balón e facéndolle fronte á potente defensa do Lobelle, que facía presión en toda a cancha. As ocasións de gol foron moi claras para os dous equipos, pero os composteláns atoparon en Leitão o seu home-gol, quen protagonizou varias recuperacións que terminaron na portería contraria.

Era a primeira Copa Galiza que gañaba o Lobelle, e unha das máis disputadas da historia. O terceiro clasificado foi o Leis Pontevedra, e o cuarto o equipo anfitrión, o Azkar Lugo.


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: