Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
A competición comeza este venres

O Ázkar é anfitrión e favorito para revalidar a Copa Galiza de fútbol sala

Disputarase en Lugo, coincidindo coas festas de San Froilán, polo que se prevé a asistencia de moito público.

Redacción - 12:00 09/10/2008
Os adestradores de Ázkar, Burela e Lobelle, co cobizado trofeo

Os adestradores de Ázkar, Burela e Lobelle, co cobizado trofeo

Este venres dispútanse as semifinais, que enfrontan, por un lado, o Ázkar Lugo contra o Burela Pescados Rubén, e polo outro, o Lobelle contra o Leis Pontevedra. A final xogarase o sábado a partir das 18:30 hotas da tarde, no pazo municipal dos deportes de Lugo. A entrada aos partidos será gratuíta, polo que se agarda unha gran afluencia de público ao coincidir a competición coas festas de San Froilán.

Lobelle e Ázkar chegan a Lugo como grandes favoritos, clasificados en terceiro e cuarto lugar respectivamente da División de Honra, máxima competición a nivel estatal. Buscarán medir as súas forzas na final pero non van ter unhas semifinais doadas. Burela e Leis afrontan esta competición como unha das citas máis importantes da súa tempada, e a motivación será un punto ao seu favor.

O sábado saberemos se o equipo local revalida o título gañado o ano pasado, ou se algún dos outros aspirantes consegue ocupar o seu lugar.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: