Vieiros

Vieiros de meu Perfil


Máis Alá

Xestionado por Vieiros
RSS de Máis Alá
O ÁLBUM PUBLICARASE NA SEMANA DAS LETRAS

Projecto Mourente ordena: 'Todos a bailar'

Con 'Kara.o.ke', o seu segundo traballo, recunca na súa teima de facernos bailar... en galego.

Redacción - 10:12 08/05/2008

Baixo os eucaliptos foi unha bomba hai dous anos; dende a nada, un disco gravado na casa foi descargado da Regueifa Plataforma milleiros de veces, en Galiza e en Portugal, acadando cifras que lle terían proporcionado varios discos de ouro galegos. En parte puxo sobre a mesa a realidade dun país non normalizado, no que resultaba insólito escoitar música de baile en galego, cancións sen máis obxectivo que o ritmo, a diversión e contar pequenas historias.

Agora Projecto Mourente regresa con Kara.o.ke, un segundo álbum que se move polos mesmos camiños, como demostra o vídeo que presenta o disco. Unha hora de música de baile, con influencias moi claras, a cabalo entre os anos oitenta e noventa, e radicalmente moderno, con temas como Cobro em B, Nom tes cargo, Por diante e por atrás, Controla-te, Os piores inimigos ou ChuliBoy. O disco poderase descargar a vindeira semana na Regueifa Plataforma, uns días antes do 17 de maio, e chegará ás tendas a semana seguinte. Quen dixo que en Galiza non se bailaba?

Os piores inimigos


4,73/5 (15 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: