Vieiros

O presidente do Euskadi Buru Batzar (órgano executivo) do PNV, Íñigo Urkullu, dixo estar disposto a "asinar" un "bo acordo singular" co PSOE, aínda que EA ou a esquerda abertzale o acusen de "vender Euskadi".

No acto político que o PNV realizou este domingo en Bilbo con motivo do Aberri Eguna Bilbao, o Urkullu recoñeceu que as eleccións deixaron no partido mal sabor de boca e confesou que "o PNV está disposto á negociación". Porén, advertiu que non están dispostos a "un pacto de rebaixas" ou a un "estatuto cepillado".

Previamente, o lehendakari Juan José Ibarretxe reiterou a necesidade de dar un salto cualitativo como pobo xa que, segundo dixo, "se alguén cre que a vontade do pobo vasco se vai diluír na española, equivócase".