Vieiros

Vieiros de meu Perfil


Edición xeral

RSS de Edición xeral
"Négaselles aos pais o dereito a participar"

O PPdeG volve denunciar o "afán ideoloxizador" das galescolas

Os 'populares' aseguran que estes centros non contan con consello escolar, ignorando un dos "principios fundamentais" da LOE.

E.P. - 14:48 22/03/2008
"A participación dos pais podería reducir a súa carga ideolóxica"

"A participación dos pais podería reducir a súa carga ideolóxica"

O PPdeG, por medio da súa voceira de Educación, Manuela López Besteiro, denunciou que os centros da Rede de Escolas Infantís, as galescolas, non contan con consello escolar, "malia que a Lei Orgánica de Educación (LOE) obriga a iso". Ao seu xuízo, este feito débese ao "afán ideoloxizador" da Vicepresidencia do Goberno.

López Besteiro insistiu en que a Xunta "ignora" un dos "principios fundamentais" da LOE ao lles "negar" aos pais o seu dereito a tomar parte en decisións como "a aprobación do proxecto pedagóxico", "a admisión de alumnos" e "a selección do director".

Neste senso, a popular sinalou que a participación dos pais nas resolucións dos centros "podería reducir a carga ideolóxica" e "contribuír a neutralizar os obxectivos políticos para os que foron deseñados".


2,4/5 (10 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: