Vieiros

A precampaña máis brava está na capital do Deza. O acalde de Lalín, Xosé Crespo, encendeu a semana pasada nunha conferencia de prensa na que non deixou títere con cabeza. O motivo é a negativa que lle deu a conselleira de Sanidade, María Xosé Rubio, ao hospital comarcal. Segundo Crespo, a conselleira prometeu mandarlle unha carta explicándolle as razóns. Mais o rexedor lalinense non puido ser máis expeditivo: “A carta que a meta no cu”.

Diante da sorpresa do presidente da Deputación, Rafael Louzán, e do alcalde de Vila de Cruces, Xesús Otero, o máximo mandatario de Lalín anunciou guerra sen cuartel contra os socialistas aos que, figuradamente, dixo que lles había que romper os dentes.