Vieiros

Vieiros de meu Perfil


Edición xeral

RSS de Edición xeral
Podería ser acusado de desobediencia

O xuíz cita ao reporteiro gráfico que tomou imaxes da queima das fotos dos reis

Grande-Marlaska advertiulle de que veña acompañado do seu avogado, xa que se negou a entregar o carrete coas instantáneas.

Redacción - 19:35 27/09/2007

O xuíz Fernando Grande-Marlaska citou para este venres, en calidade de testemuña, ao fotógrafo que gravou as instantáneas da queima de fotos dos reis o pasado sábado en Girona (Cataluña).

Segundo informou a emisora de radio española Cadena SER, o fotógrafo catalán Jordi Ribot negouse a entregar o carrete coas instantáneas e afirmou que el non vai facer "o traballo da policía".

Ante o desafío, o maxistrado citouno na Audiencia Nacional de Madrid, e comunicoulle que debe ir acompañado por un avogado, por se se volvese negar a entregarlle o material solicitado.Segundo a emisora, a conduta do fotógrafo podería constituír un delito de desobediencia á autoridade.

O Colexio de Xornalistas de Cataluña (CPC), que este mércores xa denunciou que a Audiencia requirira a varios reporteiros o material gráfico e audiovisual, xa amosou o seu apoio ao profesional: "O Colexio dará todo o seu apoio legal e institucional a este compañeiro e a todos os profesionais afectados".


4,33/5 (6 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: