Vieiros

Vieiros de meu Perfil


Edición xeral

RSS de Edición xeral
Diante da delegación do goberno español

Afectados polo trazado do AVE protestan cortando o tráfico na Coruña

Traballadores da mina de Serrabal e de Ferroatlántica aproveitaron a presenza do presidente de Adif e de representantes da Xunta para amosarlles o seu descontento.

Redacción - 08:00 06/06/2007

Máis dun cento de traballadores da mina de Serrabal e da empresa Ferroatlántica mobilizáronse o martes á tarde na Coruña durante preto de media hora. Os manifestantes, procedentes maioritariamente de Vedra, Cee e Arteixo, cortaron o tráfico da cidade diante da delegación do goberno español.

Ao lugar acudira o presidente da Administración de Infraestruturas Ferroviarias (Adif), Antonio González Marín, para informar a Xunta e os sindicatos da decisión do goberno central de manter o trazado do AVE que lle afecta á explotación mineira. A circulación quedou bloqueada por completo no principal acceso ao centro da cidade, até que accederon a abrir o tráfico.

Porén, os traballadores decidiron seguir diante das portas da delegación até que rematase a xuntanza. Mentres, outros empregados das empresas afectadas mantéñense pechados nos concellos de Vedra, Cee e Arteixo.


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: