Vieiros

Vieiros de meu Perfil


O Bierzo

Edición xestionada por Vieiros
RSS de O Bierzo
Crónica dende o Bierzo

Un novo banquete en Cacabelos

En 1861 Antonio Fernández y Morales publicou Ensayos poéticos en dialecto berciano. Agora, 147 anos despois, aínda se lle segue a rendir homenaxe no Bierzo. Unha crónica de Paco Macías.

Paco Macías - 13:13 22/05/2007

Un ano máis, este sábado 19 de maio xuntámonos algunhas persoas en Cacabelos para xantar no restaurante de sempre, non sen antes homenaxear á nosa maneira a Fernández e Morales. Uns limpamos a súa tumba deixándoa minimamente decorosa, outros puxéronlle unha rosa ben bonita e fresquiña ela, algún sacou unhas fotos vindo dun Vigo ben distante cun esforzo que os nativos moito agradecemos.

Este ano eramos menos ca nos anteriores, pero a cambio saíron máis proxectos. Os Xarmentos conseguiron contactos, os armenios argallaron algunha incorporación a ese misterio seu algo arriano, un editor presente mostrou vontade de poñer en camiño algunhas ideas e necesidades fernandezemoralianas, e os bercianos presentes xa planificaron o seguinte Banquete, onde os asistentes recibirán un agasallo sorprendente. Máis proxectos houbo, pero imos deixalos aí, nese zampocho do invisible, mentres se fan realidade.

E confirmamos que os negrillos continúan a medrar, a cada día máis altos. Secar secaron todos, pero recuperar tamén se recuperaron. E toda esta recuperación do negrillo coincidiu tamén coa de Antonio Fernández y Morales. E os do Banquete queremos que volvan os dous, pero para quedar. E niso traballamos, e banqueteamos.


4.5/5 (14 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: