Vieiros

Vieiros de meu Perfil


Edición xeral

RSS de Edición xeral
O BNG SOBE UNHA DÉCIMA

Unha sondaxe de Presidencia aponlle unha vantaxe de 6,7 puntos ao PSdeG sobre o PPdeG

Touriño e Quintana aproban na valoración de líderes e Feijoo ten unha puntuación de 4,26.

Redacción - 18:34 04/04/2007

A Secretaría Xeral de Análises e Proxeccións, dependente de Presidencia, presentou este mércores a sondaxe denominada “Clima Social de Galicia” no que se asegura que os socialistas serían a forza política máis votada en caso de que houbese unhas eleccións. A Xunta realizou 2.000 chamadas telefónicas no mes de marzo para elaborar a enquisa. Segundo a mesma, o 23,7% das persoas seleccionadas aseguraron que votarían ao PSdeG, un 17% ao PPdeG e un 12,4 ao BNG. Máis dun 25% subliñaron que aínda non decidiran o seu voto. No anterior estudo elaborado polo mesmo departamento en outubro do ano pasado os resultados era 26, 16,5 e 12,3.

Segundo o informe, un 49,8% dos galegos aproban a xestión do bipartito. Aínda así, o goberno perde case cinco puntos de apoio con respecto á enquisa de hai cinco meses. Un 32% suspenden a xestión de socialistas e nacionalistas no executivo. No que se refire á valoración dos líderes políticos, Touriño recibe unha nota de 5,73; Quintana 5,22; e Núñez Feijoo un 4,26.

En canto ao sentimento nacional, un 63,1% dos cidadáns afirman sentirse tan españois coma galegos; un 16,9 máis galegos ca españois; un 6,5 só galego; un 5,8 máis español ca galego; e un 5,7 só español.


3,17/5 (6 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: