Vieiros

Vieiros de meu Perfil


Edición xeral

RSS de Edición xeral
Na área de Darfur

A ONU acusa a Sudán de crimes "contra a humanidade"

Un informe das Nacións Unidas pide a actuación urxente do Consello de Seguridade para frear os abusos na zona.

Redacción - 08:00 13/03/2007
Pídenlle ao secretario xeral da ONU que visite a zona

Pídenlle ao secretario xeral da ONU que visite a zona

"As matanzas de civís seguen sendo habituais, mesmo en ataques a gran escala", denuncia o informe presentado polo Consello de Dereitos Humanos das Nacións Unidas e coordinado por Jody Williams, premio Nobel da Paz.

O documento indica explicitamente que o goberno sudanés "orquestrou e participou nos crimes de guerra e contra a humanidade" nesta zona. Acusan así ao executivo de estar directamente implicado nas matanzas e de actuar en asasinatos masivos á beira das milicias ianiawid.

"As violacións e abusos sexuais son sistemáticos, as torturas seguen e os arrestos e detencións arbitrarias son comúns", relata o estudo, que tamén se queixa da represión sobre a disidencia política e as restricións de todo tipo á actividade política. Ao tempo, advirten de que a situación estase vendo agravada pola redución da axuda humanitaria na zona, debido a que os activistas e colaboradores das organizacións defensoras dos dereitos humanos son branco dos ataques.

Foto: David Haberlah


5/5 (2 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: