Vieiros

Chávez ameaza con non vender máis petróleo ao seu principal comprador: Estados Unidos

O presidente venezuelano arremeteu contra a empresa transnacional Exxon Mobil como representante da agresión que forma parte da guerra económica contra Venezuela, facendo alusión ás accións emprendidas pola transnacional Exxon Mobil contra o Estado venezuelano. "Bandidos da Exxon Mobil, son uns bandidos imperialistas, ladróns de pescozo branco, corruptores de gobernos, derrocadores de gobernos, apoiaron a invasión a Iraq e o bombardeo, e seguen apoiando o xenocidio en Iraq, eses son esas empresas como a Exxon Mobil, bandidos, bandidos do mundo, mafias mundiais" foron as palabras do presidente venezuelano.