Vieiros

  Aínda quedan prazas para os mozos do municipio de Mos que queiran inscribirse nas Xornadas Multiaventura, que terán lugar o vindeiro mes de setembro en dúas quendas, do día 3 ao 5 e do día 7 ao 13.O horario será de 9.00 a 14.00 horas, excepto cando haxa saídas e acampada que se prolongarán durante toda a xornada. As actividades programadas realizaranse no entorno de Mos, a praia viguesa de Patos e o parque multiaventura A Botica do Lazer, en Portugal.Os participantes contarán con obradoiros de dinámicas grupais, clases de Break Dance, Skate, Graffiti ou Hip-Hop; técnicas teatrais e Risoterapia, rutas de orientación, tiro con arco, escalada en rocódromo, iniciación ao Surf, obradoiro de sexualidade e afectividade, equitación, Paintball, barranquismo, etc.Os interesados aínda poden inscribirse na concellería de Participación Cidadá ubicada no Centro Multiusos das Pozas, ou solicitar máis información na mesma concellería e vía telefónica no 986 33 94 04. 

Itineris. A aprendizaxe através do descubrimento e a experimentación ao servizo desta iniciativa do concello de Mos                     
Profesionais da educación, do voluntariado social e da psicoloxía, educadores, especialistas en tempo libre, consultores e técnicos en saúde e deporte con unha sólida traxectoria no deseño de atractivos e útiles programas de formación e lecer. Con unha equipa así, era inevitable que Itineris prestase unha especial atención aos programas dirixidos aos mozos e aos escolares  que pretenden ir máis alá dunha sucesión de actividades lúdicas e deportivas.  Unha empresa de turismo activo experta na creación de proxectos educativos de tempo libre.A organización de actividades recreativas, formativas e de lecer, a interpretación e o coñecemento da natureza e a práctica de actividades deportivas de diferente intensidade física que usen expresamente o medio natural, garantindo a seguridade do usuario, sen degradar ou esgotar os recursos é un dos principais obxectivos de Itineris.A experiencia de Itineris no sector, cunha traxectoria de máis de 6 anos organizando actividades e programas educativos e de lecer para entidades públicas e privadas (nos que se ten atendido a máis de 50.000 xóvenes), é o mellor aval para o concello e os pais, xa que Itineris deseña os programas atendendo aos criterios de: seguridade, comodidade e tranquilidade.O seu alicerce no eido educativo fai que Itineris poña especial énfase no deseño de actividades físico- deportivas no medio natural sen ánimo competitivo,  de libre desenvolvemento e evolución, dotadas de contidos e das que se pretende que os participantes tiren unha experiencia e un aprendizaxe. A sua ampla experiencia na organización de  programas educativos e de tempo libre en todo o territorio galego volcouse na consultoría e deseño de programas formativos, desenvolvendo programas educativos  para estudantes de primaria e secundaria tendo en conta factores como o respecto, a igualdade de oportunidades e o desenvolvemento persoal.Entre as suas actividades máis interesantes está a organización de visitas interpretadas que se basean na aprendizaxe a través do descubrimento: Asimilar a información a través do contacto coas cousas, dotando aos mozos de contidos conceptuais, procedimentais e actitudinais.Ademáis de fomentar a convivencia e o respecto, os rapaces observan e interpretan a paisaxe galega atendendo a tres contornos significativos: o interior y o bosque, o medio urbano e a costa.Outro dos obxectivos dos programas educativos de Itineris é  que desenvolvan estratexias de coñecemento do contorno e do seu aproveitamento dende unha perspectiva formativa e lúdica, estimulando o desenvolvemento persoal e a curiosidade polo mundo que hai ao noso redor. Esto faise através de obxectivos específicos como aprender a orientarse mediante GPS, brúxulas, mapas e coa interpretación dos elementos naturais, mediante a participación nun proxecto de recollida de datos en equipo, ou interaccionar co medio fomentando as estratexias do desenvolvemento persoal e o mellor emprego do tempo libre.