Vieiros

Vieiros de meu Perfil


Fwwwrando

RSS de Fwwwrando
PROCEDE DE AUTODESK

Carol Bartz será a nova directora executiva de Yahoo

Despois de dous meses, o Consello de Administración atopa a substituta de Jerry Yang.

Redacción - 18:35 14/01/2009
Carol Bartz / Autodesk

Carol Bartz / Autodesk

Yahoo! xa lle atopou substituta a Jerry Yang. O seu até agora director executivo anunciara en novembro de 2008 que abandonaba o cargo para volver ao seu antigo posto. O seu posto ocuparao Carol Bartz, de 60 anos e que levaba 16 anos traballando en Autodesk.

O Consello de Administración da empresa anunciou que a incorporación se efectuará de xeito inmediato. Tamén cualificou a Carol como "idónea" e a única persoa que pode levar Yahoo! ao seu máximo potencial. De feito, non se lle ofreceu o posto a ningunha outra persoa.

Bartz recoñeceu os "enormes desafíos" aos que se enfrontou no último ano a súa nova empresa pero dixo que ve "unha oportunidade inmellorábel de crear valor engadido". A marcha de Yang do posto vese como unha resposta á súa negativa a aceptar a compra da empresa por parte de Microsoft. Tamén anunciou a renuncia do seu cargo Susan Decker, presidenta do portal.


5/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: