Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
GAÑOU A CARREIRA DE MOMBASA, EN KENYA

Saleta Castro únese á festa do triatlón galego

Coa vitoria da pasada fin de semana, a triatleta do Fluvial de Lugo únese a Iván Raña como líderes das listaxes do triatlón estatal.

Redacción - 20:00 26/11/2008
Saleta Castro nunha imaxe de arquivo

Saleta Castro nunha imaxe de arquivo

Saleta Castro acadou unha importante vitoria internacional, impoñéndose na meta á israelita Shawna Novak e á española Mónica Pellejero. Castro tardou dúas horas, oito minutos e 33 segundos en completar quilómetro e medio de natación, 40 en bicicleta e outros 10 correndo. O dominio de Saleta foi espectacular, e avantaxou en máis de nove minutos á súa inmediata perseguidora. A carreira da Copa de África está recollida dentro das probas pertencentes á UIT.

Os puntos acadados por Castro son suficientes para subir á primeira posición da listaxe estatal e manter este lugar até o fin do presente ano. Saleta adianta así a Beatriz Jiménez e Ana López Moreno, as dúas atletas que a precedían até o momento nesta clasificación. Castro colócase con 2877.8 puntos, fronte aos 2836 de Jímenez os 2786 de López Moreno.

O triatlón galego está a vivir en crecemento exponencial
Este resultado consolida a fortaleza do triatlón galego. Saleta Castro domina a clasificación absoluta feminina, Iván Raña fai o mesmo na masculina, e o Fluvial de Lugo ocupa a segunda posición da listaxe por clubs, a só 11 puntos do Reus.

Estes son só algúns nomes destacados dunha disciplina onde veñen petando forte outros como Aida Valiño, Pilar Hidalgo, Alberto Trillo, Antón Ruanova, Alba Cuba ou Óscar Vicente. Mais hai que ter en conta que falamos "só" da sólida base dese iceberg cuxa cabeza visíbel é Xavier Gómez Noya, dominador hexemónico do circuíto mundial de triatlón nos últimos dous anos.


5/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: