Vieiros

Na terceira proba da Liga e por terceira vez consecutiva, a S.D. Samertolameu volveu demostrar a súa superioridade cunha nova vitoria, nesta ocasión na II Bandeira Concello de A Pobra. O municipio coruñés asistiu de primeira man a unha nova exhibición da embarcación de Meira.

Tras o gañador, entrou Chapela, seguido de Rianxo (terceiro), o Náutico de Vigo, Mecos e Perillo.

E na Liga Estatal...
Os mellores equipos da primeira liga do Estado de Traíñas remaban este domingo pola Bandeira do Concello de Boiro, que finalmente gañou a tripulación de Castro Urdiales, nun cuarto largo explosivo.

Era a terceira xornada da competición, na que, por primeira vez se enfrontaban as dúas traíñas galegas, a de Cabo de Cruz e a de Tirán, e o duelo foi inmenso. A rivalidade das embarcacións galegas demostrouse de principio a fin na primeira quenda, e durante os catro largos crucenses e moañenses pelexaron ao límite. Ao final a proa dos anfitrións, Cabo de Cruz, entraba de primeira, a milímetros dos do Morrazo.