Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
AUDIENCIAS EUROCOPA

Galiza, entre as comunidades menos atraídas pola selección española

Porén, os partidos de fútbol masculino da Eurocopa son seguidos no país por riba da media do estado.

Redacción - 12:25 11/06/2008

Aínda que Galiza se pode considerar un país de futboleiros, o certo é que as cifras que facilita Sofres sobre as audiencias de televisión no Estado Español amosan que non nos 'tira' tanto a selección vermella coma ao restdo Estado. Así, o noso país, xunto a Cataluña e Euskadi, é a comunidade autónoma onde menos porcentaxe de persoas seguiu o partido de fútbol da Eurocopa entre España e Rusia.

A media de cota de pantalla do xogo emitido por Cuatro foi do 53,9% en todo o estado, co 65,4% de Madrid, a gran distancia, nun extremo, e o 45,2% de Cataluña, 47,2% de Galiza e 47,8% de Euskadi no outro. En ningunha destas tres comunidades se chegou á metade das persoas que estaban a ver a televisión a esa hora, menos competitiva ca o horario de máxima audiencia.

E isto non quere dicir que en Galiza non nos interese o fútbol, porque, por exemplo, o partido do luns entre Holanda e Italia tivo no noso país unha cota de pantalla do 27,5%, por riba do 27,1 da media estatal, e enfrontándose ao até agora imbatíbel Padre Casares da Galega.


4.88/5 (26 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: