Vieiros

Vieiros de meu Perfil


Fwwwrando

RSS de Fwwwrando
DOWNLOAD DAY

Mozilla quere bater un récord Guinness co Firefox 3

A fundación fai un chamamento aos usuarios a conseguir que o navegador sexa o programa máis descargado en 24 horas.

Redacción - 17:50 29/05/2008
Banner da campaña

Banner da campaña

A Fundación Mozilla pretende celebrar o lanzamento do Firefox 3 por todo o alto, así que, desta volta, ten a intención de bater unha marca Guinness: conseguir que o navegador libre máis popular sexa o programa con máis descargas en 24 horas da historia. Para iso convocou o Download Day 2008, unha iniciativa para a que xa se están a recibir apoios.

Curiosamente, despois dos Estados Unidos e do Xapón, o Estado Español é o territorio con máis persoas dispostas a apoiar a campaña, xa sexa comprometéndose a descargar o software, organizando festas ou poñendo anuncios nos seus blogs. Mozilla pon exemplos de récords absurdos, así que, por que non vai ser posíbel cumprilo?

Porén, de momento non hai data fixa para o lanzamento do programa. Só se sabe que será no mes de xuño. E, probabelmente, xa estea dispoñíbel tamén en galego ese mesmo día.


5/5 (4 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: