Vieiros

Vieiros de meu Perfil


Edición xeral

RSS de Edición xeral
205.000 EUROS

A Xunta aproba un plan para salvar os soutos

Un convenio coa Deputación de Pontevedra permitirá que a Estación Fitopatolóxica de Areeiro cree métodos para loitar contra as pragas do castiñeiro.

Redacción - 19:01 10/04/2008
Castiñeiros / Flickr da Aula de Silvicultura da Universidade de Vigo

Castiñeiros / Flickr da Aula de Silvicultura da Universidade de Vigo

O Goberno aprobou un convenio coa Deputación de Pontevedra para contribuír á conservación do patrimonio natural que constitúen os soutos do país. Grazas ao acordo do Consello da Xunta desta quinta feira, a Estación Fitopatolóxica de Areeiro desenvolverá métodos de loita contra as pragas que lle afectan ao castiñeiro.

O acordo cobre un programa de control biolóxico do chancro de castiñeiro e outro de loita contra as principais pragas de insectos que afectan á árbore. Tamén se prevé obter cepas adaptadas ás condicións galegas e realizar ensaios de campo e de laboratorio para comprobar a súa eficacia.

O orzamento total será de 205.000 euros, repartidos en tres anualidades. A Subdirección Xeral de Recursos Forestais coordinará os traballos de captura e remisión das mostras de plantas e de solos.


4.64/5 (11 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: