Vieiros

Vieiros de meu Perfil


Fwwwrando

RSS de Fwwwrando
INTERNET

Yahoo ve Google como posíbel aliado para afrontar a oferta de Microsoft

O líder en buscas cre que a compañía de Bill Gates pretende acabar coa apertura e coa innovación da internet.

Redacción - 12:25 04/02/2008
Representación artística da oferta de Microsoft / Flickr: Gnal

Representación artística da oferta de Microsoft / Flickr: Gnal

Google reaccionou á oferta de Microsoft para mercar o seu rival Yahoo afirmando que a compañía de Bill Gates rompe os principios do negocio. Nunha carta escrita polo vicepresidente de Google, David Drummond, afirma que o anuncio de Microsoft vai contra a apertura e a innovación, que deben predominar na rede, e pregúntase se Microsoft vai exercer na internet unha influencia "inapropiada e ilegal" como no mercado dos computadores.

Tamén amosou a súa preocupación polo feito de que a suma de Yahoo e Microsoft poida limitar o libre acceso dos consumidores aos competidores. Por iso, pediulles aos lexisladores de todo o mundo que tomen medidas. Microsoft respondeu asegurando que están comprometidos coa apertura e coa innovación e lembrando que Google acapara xa o 75% das buscas no mundo.

Pola súa banda, Yahoo afirmou que a oferta de compra "non solicitada" será estudada polo seu Consello de Administración. Polo momento, xa está a considerar unha alianza con Google para facerlle fronte á proposta de Microsoft e, en calquera caso, conseguir que aumente a súa oferta de 30.000 millóns de euros.


4.5/5 (8 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: