Vieiros

Saen esta quinta feira, ás 20:30 horas á cancha do pavillón de Fontecarmoa: xogan na casa.

Deben selar xa o pase á seguinte rolda (aos dezaseisavos de final) da Eurocopa, xogando contras as mellores do seu grupo ( o Grupo I), as rusas do BC Moscow.

Chega con perder, pero mellor de pouco

Aínda que as galegas non van poder contar coa pívot Marina Krees, ao Extrugasa mesmo lle podería valer unha derrota para superar esta primeira fase como un dos 8 mellores terceiros clasificados; mais terían que perder por pouco.

O técnico do equipo de baloncesto arousán, Isaac Fernández, non quixo especular sobre o que podería pasar, mais asegurou que o que queren é "demostrar que podemos gañar", e falou das súas xogadoras, ás que dixo ver "moi motivadas".