Vieiros

Os ríos pernambucanos Capibaribe e Beberibe precisan de axuda. A polución e o deterioro das marxes prexudican todo o ecosistema que deles depende. Coa petición de revitalización dos dous caudais clausurouse a novena edición dos Jogos dos Povos Indígenas, a pasada fin de semana.

Antonio Carlos Araomã, do pobo Pankararu de Pernambuco, leu para o público una carta elaborada entre todos os caciques: "Declaramos que ouvimos a voz da auga, da terra e dos ceos. Os ríos non poden ser o depósito do lixo da cidade. Non temos o dereito de utilizar deste xeito a natureza".

Tras unha semana de competicións, os xogos remataron sen marcas olímpicas e sen premios individuais; todos saíron vitoriosos. Neste período, os indios destacaron a necesidade de garantir os seus dereitos, preservar o ambiente e pór en valor a súa propia cultura.

"Rescate da autoestima"
Ao redor de 900 participantes de 44 etnias diferentes participaron neste encontro -organizado cada dous anos-, que se pechou coa cerimonia Terena de Kipaé (a Danza da Ema), cando os indios apagaron o lume sagrado.

Segundo Marcos Terena, dirixente do Comitê Intertribal-Memória e Ciência Indígena, grupo organizador do evento, o encontro entre as etnias e o pobo da cidade é positivo porque os primeiros se senten valorados. "É un proceso de rescate da autoestima. Moitos pobos nunca foran aplaudidos".