Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Un PASO ADIANTE PARA O CICLISMO GALEGO

Inclúen o KGZ entre os mellores equipos da elite internacional

É un dos 21 equipos admitidos pola UCI na categoría Continental. Conforme avance o ano, podería mesmo situarse a unha categoría dos mellores do mundo, os Pro Tour.

Redacción - 11:30 05/12/2007

Xunto co equipo profesional galego, do pelotón estatal foron admitidos tamén o Andalucía-Cajasur e o Nicolás Mateos-Murcia. Pola contra foi rexeitada inicialmente a solicitude do Relax e do Extremadura.

Até o de agora, son 21 os equipos que configuran a elite mundial do ciclismo na categoría continental, segundo recolle a UCI: Andalucía Cajasur, Grupo Nicolás Mateos e Karpin Galicia (Estado Español); o Elk Haus e o Team Volksbank (Australia); o Landbouwkrediet e o Topsport (Bélxica); o PSK Whirlpool (República Checa); o Mitsubishi (Estonia); o Agritubel (Francia); o Barloworld (Reino Unido); o Navigare e o LPR Brakes (Irlanda); o Acqua e Sapone e o Tinkoff (Italia); o Skil Shimano (Holanda); o Benfica (Portugal); o NGC Medical (Suíza); o BMC Racing e o Slipstream (EUA) e o Serramenti (Venezuela).

Estes 21 equipos, xunto cos 19 do Protour, constituirán a elite do ciclismo mundial para o 2008. O Karpin Galicia podería incluso situarse nunha categoría intermedia entre os Pro Tour e os equipos Continental Profesional no caso de que lle sexa concedida a wild card que solicitou, requisito indispensable no 2008 para disputar probas do calendario Pro Tour.

O equipo profesional galego tamén podería participar no Giro de Italia
O Karpin Galicia estivo na presentación do Giro de Italia en Milán o pasado día 1 de decembro, convidado pola organización. En representación do equipo galego acudiron ao acto Rodrigo Costas, mánager do equipo; e Álvaro Pino, primeiro director deportivo.

Neste encontro cos responsables da carreira transalpina, galegos e italianos acordaron que o KGZ presentase unha solicitude formal para participar na rolda italiana, a celebrar entre o 10 de maio e o 1 de xuño de 2008. A resposta coñecerase o mes que vén.

O KGZ na presentación da Volta a España 2008

O Karpin Galicia contará tamén cunha representación no acto de presentación da 'Vuelta a España', que se celebra esta cuarta feira no recinto do IFEMA, en Madrid. Alí van estar Valery Karpin, Álvaro Pino, Rodrigo Costas e os ciclistas Serafín Martínez e Carlos Castaño.


4.83/5 (6 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: