Vieiros

Vieiros de meu Perfil


Fwwwrando

RSS de Fwwwrando
Investigación médica

Crean un rato inmune ao cancro

Científicos estadounidenses descobren unha proteína da próstata que elimina as células tumorais respectando as sas.

Redacción - 12:00 01/12/2007
Rato de laboratorio. Flickr: Rick Eh?

Rato de laboratorio. Flickr: Rick Eh?

Investigadores dos Estados Unidos están a estudar un rato que, trala súa modificación xenética, mostra a sorprendente capacidade de non desenvolver o cancro, incluso despois de que lle fose introducida a enfermidade mediante xenes cancerosos. O resultado destas análises non queda aí, xa que o rato chega a vivir máis que o resto dos animais da súa especie.

Estes estudos, realizados por un equipo da Universidade de Kentucky, baséanse na investigación sobre o xene Par-4, identificado por primeira vez na próstata e que provoca a transformación das células cancerosas, disparando o proceso de morte celular de xeito moi concreto e específico, erradicando as células cancerosas e respectando as sas.

O xene foi descuberto en 1994 polo director do estudo, Vivek Rangnekar, para posteriormente experimentar coas súas propiedades demostrando que é inocua para as células. O seguinte paso, segundo indica este investigador, foi o seu estudo en ratos transxénicos, que creceron con normalidade e sen defectos, chegando incluso a vivir uns meses máis que os animais de control.

Aplicacións futuras
Malia que aínda queda moito por andar, este achado pode chegar a ter unha utilidade clínica nos transplantes de medula ósea e poderá ser utilizado para combater o cancro sen os terríbeis efectos secundarios nin a dor que acompaña aos tratamentos de quimio ou radioterapia. O director do proxecto, Vivek Rangnekar, destaca que “non só podes tratar o cancro, senón tamén facelo sen danar ao paciente”.


5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: