Vieiros

Vieiros de meu Perfil


Edición xeral

RSS de Edición xeral
Participan 14 editoriais galegas

A nosa produción literaria, no Liber de Barcelona

A Consellaría de Cultura e Deporte, en colaboración coa Asociación Galega de Editores, organiza o expositor que ficará alí até o venres 5.

Redacción - 19:20 03/10/2007

Empresas como Baía Edicións, a recentemente premiada Faktoría K, Hércules de Ediciones, Alvarellos Editora, Toxosoutos, Edicións Embora, Rodeira-Edebé, Lóstrego, Edicións Positivas, Primera Persona e Edicións Xerais participan neste expositor de Cultura e da AELG. Con stand de seu estarán tamén presentes OQO, Nova Galicia Edicións e Kalandraka, que, como Faktoría K, obtivo o premio estatal de edición.

Na feira estará presente o director xeral de Creación e Difusión Cultural. Paralelamente, a escritora Teresa Moure impartirá a conferencia "Por unha nova estética da natureza" este xoves ás 19.30 horas na Facultade de Filoloxía da Universidade de Barcelona. Ao día seguinte, á mesma hora, Moure dará unha nova charla "Sobre a maternidade no novo milenio", no Centro de Cultura de Dones Francesca Bonnemaison.

Nestes momentos, o libro galego xa estivo presente en Montevideo (Uruguai), e estrearase tamén na de Guadalajara (México). Prevé participar tamén neste Liber de Barcelona, na de Frankfurt (Alemaña), na da Habana (Cuba), na de Bos Aires (Arxentina) e na de Boloña (Italia). Tamén asistirá por primeira vez unha delegación galega á feira de Londres e á Bienal de Rio de Janeiro, de xeito que estude o interese destas feiras para asistiren as industrias editoriais galegas en citas vindeiras.

Readgalicia.com

Será en Frankfurt, a mediados deste mes, onde se presente o catálogo en liña (en galego, inglés e castelán) Readgalicia.com. É un catálogo de dereitos que ofrece unha selección de case 200 obras da literatura galega actual. As fichas de información sobre as obras inclúen fragmentos coa súa correspondente tradución ao inglés e datos de contacto de cara a futuras colaboracións.


3.5/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Imaxe do stand da Consellaría no Liber
Imaxe do stand da Consellaría no Liber
Imaxe do stand da Consellaría no Liber
Imaxe do stand da Consellaría no Liber