Vieiros

"Non me parece que (Chávez) sexa populista. Iso é un pexorativo para alguén que se preocupa directamente e sen ningún disfrace pola mellora de clases que durante xeracións e xeracións non saíron da miseria", expresou o escritor portugués a xornalistas na cidade colombiana de Cartagena. En opinión de Saramago, Chávez "está usando dun xeito correcto a riqueza" cuxa otixe é o petróleo, do cal Venezuela é o quinto exportador mundial, pero como todo o mundo non ten a mesma visión, moitos acúsano de demagoxia.

O escritor recoñeceu que "o populismo é algo que senta mal a un político", aínda que indicou que non ve esa conduta en Chávez.

"O presidente Chávez é criticado moitas veces polo que algúns chaman o seu populismo. Aceptando iso como unha posibilidade, o asunto que hai que preguntar é que é ser non populista, que nos digan como chamar a alternativa", agregou.

Recordou, que "se Chávez está no poder é porque ten o apoio do pobo pois se presentou sete veces ás urnas e gañounas todas", nunha referencia ás eleccións e consultas populares nas que se impuxo o mandatario nos últimos anos.

"Non se pode dicir que tome por asalto o poder porque maiorías esmagadoras puxérono onde está e confirmárono no lugar que ocupa", anotou.

Saramago participa desde este xoves en Cartagena de Indias no Primeiro Encontro Internacional de Bolsas Líder, organizado pola Fundación Carolina, unha institución española dedicada a promover as relacións culturais e de cooperación educativa e científica entre o Estado español e Latinoamérica.