Vieiros

Vieiros de meu Perfil


Edición xeral

RSS de Edición xeral
Xanela aberta á cooperación

Amarante pon en marcha un programa de voluntariado

A oenegué presentou no Club Internacional de Prensa un proxecto de formación e sensibilización para formar a persoas interesadas. O alumnado viaxará en grupos de voluntariado ao Brasil, o Ecuador e Marrocos.

Redacción - 16:53 12/03/2007
Xoan Hermida e Fernanda Couñago

Xoan Hermida e Fernanda Couñago

Xanela Aberta ao Sur quere achegar a realidade dos pobos do Sur á nosa sociedade, é formar á xente interesada para participaren activamente en proxectos de solidariedade, pola transformación do modelo de relacións entre o Norte e o Sur: xornadas, seminarios e a visita, dun mes de duración, a un proxecto de desenvolvemento elaborado e dirixido por unha organización do Sur, son as actividades que integran este programa, cos fins de informar, sensibilizar, e, sobre todo, incentivar a participación.

Deste xeito, os contidos estruturaranse nunha xornada de información, para informar e debater sobre a situación das sociedades do Sur; un seminario de formación, para coñecer as organizacións do Sur e traballar en equipo; e unha estadía dun mes formando parte dun proxecto de desenvolvemento. Á volta haberá unha xornada de avaliación da experiencia, organizada por, cando menos, unha conferencia divulgativa por cada persoa. É a oitava edición deste programa organizado por Amarante, coa colaboración da Dirección Xeral de Cooperación Exterior da Xunta.

As inscricións pódense facer dende o 5 de marzo até o 23. Preséntanse nas sedes de Amarante das distintas cidades nos seguintes días e horas:

  • Compostela. Amarante. 15 de marzo. 20.00
  • Vigo. Fed. Veciños. 16 de marzo. 19.00
  • Ourense. C.S. Esmorga. 16 de marzo. 20.00
  • Pontevedra. Amarante. 19 de marzo. 20.00
  • A Coruña. Fundación Paideia. 19 de marzo. 20.00
  • Vigo. Crisol. 20 de marzo. 20.00
  • Cangas. Ambigú. 21 de marzo. 20.30
A xornada informativa, unha vez que estean estabelecidos os grupos, será o 24 de marzo; o seminario de formación, o 21 e 22 de abril; e xa o seminario de grupo, farase ao longo do mes de maio. A viaxe será en xullo ou agosto, e a xornada de avaliación, en setembro. Cómpre pagar unha cota de 12 € as persoas no paro e 12 as traballadoras. Para máis información pódese chamar ao 881 978 705 ou escribir ao correo educacion@amaranteong.org .


4/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: