Vieiros

Aínda que se admite que a investigación non tería consecuencias penais habida conta da Lei de Amnistía aporbada na Transición, esta comisión ten o obxectivo de aclarar responsabilidades políticas e procurar reparación para as vítimas. A asociación de vítimas daqueles sucesos amosou a súa satisfacción por este paso cara ao seu recoñecemento histórico tras longos anos de reclamacións.

Os sucesos que 31 anos despois van ser oficialmente investigados, tiveron lugar aquel 3 de Marzo tras unha tensa xornada de folga que rematou coa intervención con armas de fogo da policía contra os traballadores reunidos en asemblea na ingrexa de San Francisco, en Vitoria-Gasteiz.

O ex-presidente da Xunta, Manuel Fraga, podería ser chamado a declarar diante desta comisión en calidade de máximo responsable daquela actuación policial como Ministro de Gobernación. A comisión parlamentar vasca, aprobada cos únicos votos en contra de PP e PSOE, ha tomar como punto de partida do seu labor un traballo de investigación histórica realizado en 2004 por un instituto dependiente da Universidade Pública Vasca.