Vieiros

Vieiros de meu Perfil


Fwwwrando

RSS de Fwwwrando
MOITAS EIVAS POR RESOLVER NAS SÚAS WEBS

Suspenso en accesibilidade para os portais universitarios

Imos para catro meses desde que venceu o prazo que a lei fixara para que os sitios webs públicos se puxesen ao día en cuestión de accesibilidad. Porén, o Observatorio de Infoaccesibilidade de Discapnet, apoiado pola Fundación Once, segue facendo a peneira de webs oficiais que esquecen responder a esa esixencia. As últimas críticas van para as universidades. Das dezaseis seleccionadas para un estudo, a de Santiago entre elas, ningunha cumpre nin sequera coa metade dos criterios de accesibilidade establecidos.

- 11:59 12/04/2006
Tags:

"O nivel de accesibilidade destes portais está lonxe de ter uns niveis minimamente aceptábeis", critican desde o Observatorio laiándose de que logo de vencer o prazo fixado para o pasado 31 de decembro de 2005 para que as webs públicas garantisen que a súa información sería accesíbel ás persoas con discapacidade e idade avanzada "era desexábel e agardábel que se tivesen realizado esforzos para conseguir ese obxetivo".

Foron tres anos de prazo os que se deron para poder cumprir coa disposición adicional da Lei de Servizos da Sociedade da Información e o Comercio Electrónico que rexe estes requerimentos, e na altura de febreiro de 2006, data á que corresponden os datos analizados no estudo de Discapnet, a Universidade de Valencia é a que mellor nota acada, con só un 36.96% de criterios cumpridos. No décimo lugar das 16 analizadas está a Universidade de Santiago, cun 19.61%. O portal da institución compostelá, e tomando como exemplo a súa portada, só cumpre cumpre coas esixencias respecto a follas de estilo e uso de táboas para maquetar, incumprindo os dez restantes.


Ligazóns

0/5 (0 votos)