Vieiros

Tanto India como Paquistán son dous importantes compradores de armas españolas. No ano 2000 India mercou 1.419 millóns de pesetas en munición, ademais de submarinos, cazaminas e un portaavións, mentres que Paquistán encargou avións de transporte. Todo isto a pesar de que o Código de Conducta da UE prohíbe as exportacións que "provoquen, prolonguen ou agraven conflictos existentes no país de destino" ou que exista probabilidade dun conflicto entre o país receptor e outro. A Cátedra Unesco pediulle a Aznar que promova un embargo de armas sobre India e Paquistán, pero a paz non é rendible... Aproveitamos para lembralo no Día das Forzas Armadas, e convidámosvos a xogar a un divertido xogo chamado 'Trillo recluta' que nos presenta hoxe La Corriente Alterna.