Vieiros

Francisco Rodríguez, candidato do PSdeG á alcaldía de Ourense, é de momento o que máis lixeiro andivo na rede no despregue da precampaña electoral, incorporándose así á Rede de Blogs Socialistas. Na súa bitácora combina a opinión persoal coa información do propio grupo municipal socialista, e inclúe vídeo e galería de imaxes. Por outro lado, o BNG, que lle arranxara espazo propio na rede en anteriores comicios ao seu candidato, Alexandre Sánchez Vidal, mantén agora a web comarcal, aínda que sen informacións recentes. Mentres, no PP ourensán, na web provincial non hai rastro do novo candidato do partido, o concelleiro Enrique Nóvoa, sendo o protagonista Xosé Luís Baltar. Quen si ten espazo propio, blog incluído, é Mercedes Gallego, senador por Ourense do PPdeG.

• Novos espazos políticos no blogomillo
• O PSOE aproveita a súa Conferencia Política 2006 para facerse 'ciberpartido'
• Orozco brinca ao ermo político do blogomillo