Vieiros

Co gallo do quinto aniversario do traslado do primeiro preso ao centro de detención de Guantánamo, Amnistía Internacional convocou unha concentración para a xornada do xoves na Coruña. Será ás 20.00 horas diante do consulado americano (nos arredores do Obelisco) e ten como obxectivo reclamar o peche do centro de detención que os EUA teñen na illa de Cuba. "A sociedade debe lanzar unha mensaxe clara e contundente aos líderes mundiais, unha mensaxe de rexeitamento do uso da tortura, moi especialmente no contexto da chamada guerra contra o terror", sinalaron os convocantes.