Vieiros

A iniciativa xorde fronte á publicación a semana pasada da pastoral asinada pola Conferencia Episcopal onde, aínda que de xeito menos contundente ao manexado inicialmente, os bispos manifestan a súa posición sobre a "unidade histórica e cultural de España". Diante dese documento, a Asociación para a Recuperación da Memoria Histórica considera que a Igrexa dá mostra dunha dobre moral e lémbralles aos bispos que como institución "apoiaron un réxime ditatorial e déronlle beizón a milleiros de execucións e á represión franquista". Por iso, propoñen enviarlles cartas de protesta solicitándolles que pidan perdón e esixindo que se retiren os símbolos do tipo "Caídos por Deus e por España".