Edición xeral
Os funcionarios estatais deberán usar o galego se o piden os cidadáns
O portavoz do BNG no Congreso dos Deputados, Francisco Rodríguez, conseguiu que o ministro de Administracións Públicas, Jordi Sevilla, se comprometese a que o Estatuto do Empregado Público recolla o deber dos funcionarios do Estado de empregar o galego, de forma oral e escrita, cando os cidadáns así o demanden.
Logo de conseguir este compromiso, o deputado nacionalista retirou a emenda á totalidade que tiña presentada contra o proxecto de lei do Estatuto do Empregado Público. Rodríguez criticaba "a falta de respecto cara á pluralidade lingüística do Estado español". O parlamentario lembraba que os cidadáns teñen dereito a que a Administración os atenda na súa lingua por oral e escrito, pero isto é papel mollado se non é un deber para os funcionarios". Sevilla retrucoulle que non haberá ningún problema para que a pluralidade lingüística quede reflectida no novo documento.
Non obstante, Francisco Rodríguez criticou que o Ministerio de Administracións Públicas excluíse á CIG no proceso de negociación do Estatuto e que o texto "inclúe gran cantidade de factores retributivos arbitrarios e subxectivos" e non contempla o control sindical da transparencia dos órganos de selección de persoal, entre outros aspectos.
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto