Edición xeral
Catro anos despois de afundir o Prestige habería plan anticontaminación antes de 2007
Cara a finais de 2006 estaría listo o Plan Integral de Contixencias que establecerá "as estruturas organizativas e os procedementos básicos de actuación" en casos de loita contra a contaminación, fixando un protocolo de coordinación co plan estatal e a forma de actuación segundo a procedencia da contaminación. Incluirá así catálogo de recursos específicos fronte a situacións de loita contr a ccontaminación no mar, e establecerá zonas de risco e actuación. Segundo os prazos manexados pola Xunta, chegará pasados os catros anos desde o inicio da crise do petroleiro Prestige.
Traballan no plan as consellarías de Medio Ambiente, Pesca, Presidencia, Traballo e Política Territorial, segundo explicou o presidente da Xunta, Emilio Pérez Touriño, logo de asistir este luns a un simulacro de atención a un vertido de hidrocarburos na ría de Betanzos que incluiu o despregue de barreiras anticontaminación. Foi de feito o primeiro exercicio conxunto de Xunta e Fomento desde que se asinou o convenio de colaboración en materia de salvamento marítimo, loita á contaminación e seguridade no ámbito pesqueiro, en setembro de 2005.
Touriño quixo destacar a existencia xa de cinco remolcadores en servizo e a posta en marcha doutr máis a partir do mes que vén. Repasou ademais a dispoñibilidade de tres helicópteros e un avión asociados ao Plan de Salvamento Marítimo, con tripulación dispoñíbel en quendas durante as 24 horas do día. Subliñou ademais a existencia de nove bases operativas ao longo da costa e dunha base loxística de mergulladores insistindo en que Galiza "ten maior capacidade de reacción fronte a situacións de crise como a vivida no Prestige".
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto