Vieiros

Cada unha das consellarías do goberno galego presentará este xoves o seu respectivo informe diante da situación acontecida en Galiza nas pasadas semanas, informes que servirán para a definición do proxecto coordinado de atención aos afectados pola vaga de lumes.

Destacará o estudo realizado pola consellaría de Medio Rural, que avalía polo miúdo o acontecido, tanto respecto ao despregue dos medios contraincendios como ás características específicas dos incendios e os problemas e eivas detectados. Doutra beira, agárdase tamén a avaliación do impacto económico para os diversos sectores implicados. As axudas proxectadas haberán de cubrir a xeito individual aos afectados, de modo xeral impulsar compensacións para os sectores que máis dano sufriron, e tamén establecer axudas a nivel das admnistracións locais. Incluiranse así axudas para a recuperación das actividades e sectores económicos afectados, indemnizacións para os familiares dos falecidos a causa do lume; axudas para os afectados pola perda de bens inmobles e medidas de recuperación de infraestruturas e servizos locais danados. Lembrámoslles que este venres haberá unha reunión do Consello de Ministros de onde se agarda outro conxunto de medidas ao respecto.