Vieiros

Preto da metade dos accidentes con resultado de mortes que aconteceron nas últimas semanas aconteceron en estradas de ámbito local. Co desafío da redución de sinistros e ás portas da presentación este xoves dun Plan Especial de Seguridade Viaria, a conselleira de Política Territorial, María Xosé Caride, amosábase escéptica sobre o impacto do posíbel mal estado desas vías como explicación do alto número de accidentes. Segundo Caride, os factores de influencia na sinistralidade nas estradas galegas explicaríase na dispersión da poboación e a dependencia do coche que iso crea nos cidadáns ou nos défices de responsabilidade dos condutores. Respecto ás acusacións do PPdeG, desde onde denuncian que o actual executivo freou os plans do anterior goberno para a mellora da rede secundaria, desafiou aos populares a que "se din que tiñan algo que digan onde".