Vieiros

Hai un ano en Galiza vivían xa 69.373 inmigrantes, rexistrados no padrón de habitantes, número que segundo as novas cifras do INE se incrementou un 3.5%, até as 71.796 persoas, o 2.6% do total actual de 2.764.250 persoas, apenas dous milleiros máis que no ano anterior. Mentres, no resto do Estado nove de cada dez veciños son inmigrantes, porcentaxe que acada o seu máximo nas Illas Baleares, onde chegaron de fóra o 15.6% do total dos rexitrados no padrón de habitantes. A nivel estatal, só Estremadura ten menor concentración de inmigrantes ca Galiza.

Mirando polo miúdo os datos, vemos que se ben no conxunto do Estado son Marrocos, Ecuador e Romanía os lugares de onde proceden a maioría de extranxeiros censados, 1.3 millóns entre os tres países, en Galiza os inmigrantes censados son na súa maioría portugueses (13.188), seguidos dos chegados de Colombia (7.762), Brasil (6.247), Arxentina (5.936), Uruguai (3.900), Venezuela (3.678), e Marrocos (3.652).

No total de poboación e neste período, só as provincias de Pontevedra e A Coruña gañaron poboación no último ano, con 3.661 e 857 veciños máis en cada un dos casos, mentres que Lugo perdía 1.457 habitantes e Ourense 1.050. O total do Estado quedou ao rematar 2005 en 44.6 millóns de persoas, perdendo Galiza peso demográfico no total, baixando do 6.26% ao 6.22%.