Vieiros

Este martes reuníase así por primeira vez o Consello Asesor integrado por representantes institucionais e axentes culturais públicos e privados ao que lle tocará guiar o proceso de participación, seguemento e validación das propostas. A iniciativa de traballo ditribúese en dúas mesas temáticas adicadas a cada unha das áreas a redefinir con encontros sectoriais temáticos: artes escénicas, audiovisual, música, divulgación científica, medios de comunicación, novas tecnoloxías, artes plásticas, literatura e asociacionismo cultural.

Por outro lado, o período de reflexión inclúe tamén a apertura ao debate a toda a sociedade, proceso aberto a persoas e colectivos que contará cunha web propia para a participación. A consellaría de Cultura pretende así "establecer un debate estruturado dentro do tecido cultural galego para estudar as oportunidades que ofrece a Cidade da Cultura para o seu fortalecemento e proxección externa, así como establecer o valor engadido que supón este espazo arquitectónico no artellamento de novas liñas de actuación no eido da cultura".