Vieiros

Vilagarcía de Arousa e Campo Lameiro son cita para os congresos locais do PPdeG esta fin de semana, mentres o partido adía na axenda outros requerimentos congresuais, caso do de Lugo, máis delicados. Mentres, os populares seguen a campaña de afiliación "Hai partido, xogas?" que leva a carpa estes días a Redondela e Chantada. Esta última localidade luguesa é precisamente exemplo da estratexia lanzada polo PSdeG para reforzar posición en pequenos concellos e buscar o pacto cos independentes, desta volta integrando unha escisión do BNG local. Ao tempo os socialistas tiñan unha primeira xuntanza esta semana para definir a estratexia para a provincia de Ourense. Mentres, as asembleas locais nacionalistas confirmaban a Henrique Tello e Néstor Rego como candidatos ás alcaldías da Coruña e Santiago.

• Vigo: o lastre do pacto que non puido ser
• A Coruña: primeira cita sen Vázquez
• Ourense: a última maioría absoluta do PPdeG en ceder?
• Santiago: exemplo de pacto
• Lugo: factor Orozco
• Pontevedra: reorganización da oposición na praza forte do BNG
• Ferrol: cara a un tripartito?