Vieiros

Isto é así porque, segundo relatou o senador do BNG Francisco Jorquera, o estaleiro de Fene perdeu recentemente, e en favor do de Puerto Real (Cádiz), un contrato para construír tres cascos de buque para o estaleiro vigués Vulcano. A xustificación esgrimida pola dirección de Navantia, e confirmada nunha interpelación do BNG o pasado 26 de abril polo ministro de Economía, Pedro Solbes, era que se debe a unha razón de custos, pois a ocupación de Puerto Real era dun 51 por cento e a de Fene dun 98 por cento.

Como se dixo onte, o grao de ocupación do estaleiro de Fene calculouno Navantia utilizado como único baremo o seu actual cadro de persoal, un criterio que para Jorquera "é como o conto da pescada que se morde a cola". Neste sentido, Jorquera demandou que, á hora de valorar e calcular o grao de ocupación dun estaleiro, "deben ser tidas en conta a capacidade do estaleiro e a súa infraestrutura".

Ademais, os nacionalistas galegos trasladaron tamén ao Senado o momento alcista que vive a construción naval e, polo tanto, denunciaron que, o estaleiro de Fene, pese a ter unhas instalacións con 80.000 metros cadrados de superficie, estas estean "totalmente infrautlizadas". Por iso, o BNG solicita ao Goberno central que negocie coa Unión Europea "para defender un sector estratéxico da economía galega".

Anterior