Vieiros

Nin sequera o recente aniversario da catástrofe de Chornóbil foi escusa para que o lobby nuclear aparcase momentaneamente a súa campaña de presión a prol da construción de novas centrais, tarefa na que xa teñen a significativos valedores, coma o comisario económico da Unión Europea, o socialista Joaquín Almunia. Neste escenario, Fernando Blanco, conselleiro de Innovación, subliñaba este martes que "con este goberno non haberá nunca centrais nucleares en Galiza. Iso que quede claro". Blanco dixo estar seguro de que non haberá problema técnico para acceder ao obxetivo dos 6.500 megavatios de produción de enerxía eólica, meta fixada cara a 2012. No camiño desa data, o conselleiro afirmou que no noso país as enerxías renovábeis deberían producir o 90% do total, fronte ao 55% da actualidade, da que se exporta ademais preto da metade.

• A Comisión Europea podería incluír a enerxía nuclear na estratexia a medio prazo
• Os concellos queren participar activamente nas políticas eólicas
• No Canal Verde: Por unha política enerxética sustentábel e equitativa
• O futuro da enerxía nuclear: na BBC, e no foro de Vieiros