Vieiros

Con casco na cabeza, rodeado de ministros e militares e a pé dun dos xacementos máis importantes do país, o presidente de Bolivia, Evo Morales, anunciábao así este luns: "Chegou a hora agardada, un día histórico para que Bolivia retome o control absoluto dos nosos recursos naturais". Avanzaba deste xeito o decreto de nacionalización de hidrocarburos polo cal a empresa estatal Xacementos Petrolíferos Fiscais Bolivianos controlará todo o movemento de gas e petróleo e establecerá condicións, cantidades e prezos para o mercado interno e para a exportación. As empresas extranxeiras terán un prazo de seis meses para adaptarse ás novas regras se queren seguir coa súa actividade no país. "Rematou o saqueo dos recursos nacionais por parte das transnacionais", defendeu, insistindo en que se trata da "solución" para os problemas socioeconómicos do país máis pobre de América.
Anteriores:

• Promesa de mar para Bolivia
• Amplo apoio dos cidadáns a Morales no inicio do seu goberno
• La Razón, El Diario, La Prensa