Vieiros

"O malo sería que ninguén quixera ser candidato", comentou o actual presidente da deputación provincial de Lugo ao respecto dos presuntos movementos no PPdeG para apartalo dese posto cara ás próximas eleccións municipais. En entrevista en RNE, Francisco Cacharro subliñou a súa vontade de seguir sendo o candidato do seu partido para ese cargo e acusou á prensa de "ver máis do que hai" nas rifas internas do partido. "Víao vir, pero é cousa del", asegurou sobre o pacto antes do último congreso do partido asinado polo presidente provincial, Xosé Manuel Barreiro, con Alberte Núñez Feijoo. Cacharro, que se pronunciara publicamente contra esa posibilidade, dixo non sentirse traizoado e volveu insinuar criticamente que por tras de Feijoo está a sombra do ex ministro Romay Becaría.

• Anterior: Socialistas vigueses e populares lugueses: os primeiros pulsos preelectorais