Vieiros

Os xerentes das respectivas plantas mantiveron reunións de compromiso cos responsábeis sindicais. Non houbo incidentes até o de agora. A partir das 14 horas, os gandeiros contan entrar nas instalacións das grandes superficies comerciais -Carrefour- da Coruña, Pontevedra e Lugo, para facer visíbel socialmente o outro gran problema dos produtores no que respecta á formación do prezo do leite: a unilateralidade da gran distribución, que segue a usar o leite como retrouso publicitario.

"Buscamos a supervivencia", sinalou Félix Porto, de Unións. "Tratamos de que haxa unha ruptura entre a política das multinacionais con capital de fóra e as de capital galego ou español, porque os seus intereses non poden ser os mesmos". A secretaria xeral do SLG, Lidia Senra, defendeu continuar a política de mobilizacións até que a industria láctea "tome nota. Ou pechan eles ou pechamos nós".