Edición xeral
Volven adiar o plan para a supresión das peaxes
A solución que Touriño e Zapatero prometeran xa para o pasado mes de xaneiro podería facerse pública agora nun prazo de "menos de tres meses", segundo recoñeceu a conselleira de Política Territorial, María Xosé Caride, que en entrevista para a Cadena Ser, estendía a comunicación dese prometido plan definitivo cara ao próximo verán. Caride referiuse aos problemas da negociación e cargou culpas no executivo anterior que segundo ela "desatendeu as necesidades dos galegos".
A conselleira lembrou o recente da venda da autoestrada AP-9 e laiouse de que naquela altura, o ano 2003, o goberno non aproveitase para "amañar os problemas" considerando os compromisos sociais cos galegos, asinando unha concesión para a explotación dunha vía clave deica o ano 2048. "Hai escasos precedentes dunha situación similar", insistiu María Xosé Caride.
Ao respecto dos atrasos no tren de alta velocidade, Caride destacou que "o ministerio de Fomento está invistindo máis ca nunca en Galiza, por riba da media" e falou de prazos "razoábeis" para a finalización das obras. Así e todo, e ao fío da lentitude dos proxectos, advertiu que "non podemos deixar que a presa nos faga caer en erros" referíndose aos problemas da liña Madrid-Barcelona e asegurando que "non debemos causar un desbalde dos recursos".
Ligazóns
- Anteriores: O Deza faille un traxe á ministra de Fomento para pedirlle a rebaixa da peaxe da
- Chega tarde e cunha soa vía: confírmanse os atrasos do novo tren a Galiza
- A Xunta evita dar prazos para a solución ás peaxes de Rande e a Barcala
- A peaxe de Rande, un 6,6% máis cara que o ano pasado
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto