Vieiros

"Comprométome a que o día 12 de xullo o pobo boliviano terá os seus recursos naturais nacionalizados". Anunciouno esta semana o presidente de Bolivia. Aínda sen dar detalles do proceso, Evo Morales insistiu en que "estes recursos deben ser aproveitados pola nación para darlle esperanza aos sectores máis excluídos e abandonados do país". O proxecto do novo executivo boliviano inclúe o reforzo da empresa estatal Xacementos Petrolíferos Fiscais, XPFB, e a recuperación de antigas empresas do Estado nos sectores da electricidade e os hidrocarburos parcialmente privatizadas nos últimos vinte anos. O goberno prometeu presentar o plan polo miúdo antes do mes de xullo.

• Anterior: A fiscalía boliviana acusa a catro ex presidentes de corrupción
• Poden ampliar na prensa boliviana: La Razón, El Diario e La Prensa