Vieiros

Nestas zonas de control especial, a consellaría estableceu que os servizos provinciais de urbanismo e inspección territorial fagan como mínimo unha visita cada mes en diversos treitos de franxas litorais, contornos fluviais e espazos de uso público, e visiten cando menos catro predios de solo rústico que fosen obxeto de expedientes de autorización autonómica resoltos nos tres anos anteriores, tanto ás construcións que foron autorizadas como ás lugares onde foron denegadas.

Os inspectores pasan así a actuaren de oficio, sen necesidade de que exista unha denuncia previa, percorrendo o país na busca de irregularidades, inspeccionando obras en execución e solicitándolle as licenzas e autorizacións aos responsábeis das obras. No caso de ilegalidade, levantarán acta da infracción de xeito inmediato e elaborarán a correspondente denuncia. O paso seguinte será a demolición ou restauración da legalidade, que en caso de non cumprirse levará a multas cada dous meses.

Haberá tamén vixiancia sobre áreas afectadas por modificacións dos plans urbanísticos coa fin de detectar casos onde se pretendan legalizar situacións irregularidades a través de cambios no planeamento.