Edición xeral
Na pobreza un de cada cinco galegos
A enquisa da que lles contabamos a finais do ano pasado sobre os problemas dunha ampla porcentaxe de fogares galegos para chegar a fin de mes volve esta semana á actualidade. E paradoxalmente chega logo dunha resposta do executivo no Congreso ao grupo parlamentario do PP, recoñecendo a deputada popular galega María Xesús Saínz o amplo número de cidadáns "que vive en situacións de marxinalidade".
Desde o bipartito xa aproveitaron o caso para lembrarlle ao PPdeG a "envelenada herdanza" que os indicadores económicos amosan que deixaron os populares en Galiza. Lembrámoslles que as cifras do Insituto Nacional de Estatítisca indican que un 21.2% de galegos son estatisticamente pobres, o que supón case 600 mil persoas que en Galiza se sitúan por baixo do que se considera "umbral de pobreza".
Ao respecto, desde o goberno español recoñecían que alén dese indicador, que se basea única e exclusivamente nos ingresos monetarios dos individuos, están tamén outros factores vencellados, entre os que serían especialmente significativas as estimacións sobre o alugueiro da vivenda, datos que implican que a situación real en moitos fogares é peor do que o simple indicador anterior amosa.
Ligazóns
- Anteriores: Un de cada cinco galegos vive por baixo do limiar da pobreza
- Denuncian a falta de vontade política para loitar contra a pobreza
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto