Vieiros

O propio Aymerich anunciara o luns quen serían por parte do BNG os encargados da negociación directa cos outros grupos parlamentarios neste proceso de reforma estatutaria. O deputado nacionalista explicou a escolla de González Mariñas, actual voceiro de administracións públicas do Bloque, en razón da súa ampla formación no eido xurídico e político e destacou da deputada luguesa María Xosé Vega o seu bagaxe económico e financieiro. Ao tempo, o BNG escolleu a Bieito Lobeira, voceiro nas áreas de lingua e pesca, coma suplente no seu caso dos anteriores.

Os mesmos criterios guiaron a escolla do PSdeG, presentada este martes por Ismael Rego, quen destacou que coa selección os socialistas buscaron cubrir todas as áreas posíbeis, desde a estritamente xurídica até a económica e social. Os socialistas suman así a Abel Losada, titular de Historia e Institucións Económicas na Facultade de Ciencias Económicas e Empresariais da Universidade de Vigo; a Francisco Cerviño, membro da comisión de Sanidade, Política Social e Emprego; Laura Seara, secretaria de Igualdade da executiva do PSdeG;

A voz dos colectivos sociais
O modelo de traballo acordado permitirá tamén as comparecencias de diferentes colectivos sociais. Socialistas e nacionalistas xa se amosaron dispostos a que distintas asociacións sindicais, culturais, ecoloxistas e doutro tipo poidan ter voz neste proceso que neste sentido podería incluír até máis de medio cento de intervencións. Malia todo, non está claro se lle van abrir espazo á participación doutras formacións políticas, aspecto no que o BNG xa se amosou reticente. Sobre esa posibilidade, desde Esquerda Unida e o Partido Galeguista xa teñen amosado a súa disposición a participar neste proceso.